正所謂" 一年容易又中秋", 不經不覺又到8月, 見到各款餅鋪都開始有月餅賣, 也是時候入完少少貨比家中兩老品嚐一下月餅~
記得上年中秋我入左伍仁月餅比爸爸吃, 他說雖然好吃但有點兒硬, 而且果仁容易塞住牙齒, 吩咐我今年買啲奶黃月餅比佢地食, 因為有奶香又容易食~
向同事打聽一下邊款奶皇月好, 同事都推介我買皇玥月餅, 佢地話皇玥係由半島奶黃月餅始創人葉永華大師傅及米芝蓮二星餅藝大師黎永冠大師傅精心呈現，100%香港製造，並連續兩年榮獲世界食品最高金獎，好多人都好中意食, 聽完之後, 看到我都心郁郁, 好想快啲買啲番去試試~
咁啱上星期放工經過銅鑼灣, 見到有皇玥餅店, 立即走入去睇下有咩好食既月餅先~
原來皇玥都出左好多唔同口味既月餅,仲有好靚既禮盒裝, 研究左好耐, 店員推介我買經典流心雙輝月餅 同埋 流低糖迷你奶黃月餅, 佢話經典流心雙輝月餅係連續兩年奪得世界食品品質評鑒大獎(Monde Selection) 「最高金獎」, 好值得一試~
皇玥餅家門面佈置比一般餅家精緻之後, 我仲發覺佢地既禮盒真係好靚呀!! (一陣show比大家睇^^), 個禮盒小櫃統真係好靚好得體, 而且sales姐姐啲服務真心唔錯, 好細心咁介紹左二款啱我爸媽年紀(低糖)食既月餅, 成個購物體驗都好好~~~
返到屋企當然第一時間試試先啦~
經典流心雙輝月餅
流低糖迷你奶黃月餅
兩款包裝都好靚呀! 用來送比朋友同事都好顯派頭~
經典流心雙輝月餅
拆開個盒就見到tiffany blue 湖水藍既小櫃檯仔裝住兩層共6個既流心雙輝月啦~~~
盒面摸上手係充滿質感既皮革紋理，滿滿既高貴品味, 食過月餅之後仲可以拿來當首飾盒用呢~
經典系列-經典流心雙輝月餅（流心芝麻+流心奶黃 各3個）
每個獨立包裝, 百份百香港製造, 食得安心又放心~
月餅size 細細個啱啱好, 打開袋子之後, 一股令人垂涎既奶黃香味就不住咁飄出來~
真係好香好香呀!!!!月餅表面油水充足,閃令令, 望落去油脂豐富唔會乾爭爭咁~~正!
忍唔住即刻切開兩款都試晒先~
流心奶黃月-首先要讚下佢既酥皮, 真係好酥化呀!!! 一啖咬落去, 牛油既香味濃到化不開! 好香好酥脆呀!!! 入面既流心奶黃醬令到成個口感更加豐富!又香又滑既疍黃同埋鮮奶既香味完美地結合, 中間流心部份令到整個口腔都有疍黃既咸香味, 最緊要佢係唔會太甜, 而且成個放入口都完全唔會漏, 沖杯香片又送啖奶黃月, 一生一樂也!!
流心芝麻月- 同樣相當唔錯呀! 輕輕一咬下就有大量濃濃既芝麻湧出黎啦~芝麻口感超級細滑,
而且甜味適中, 唔會涸喉, 食落又唔會好油膩滯口, 原來細滑芝麻流心既由來, 係
師傅首先嚴格挑選出顆粒飽滿的上品黑芝麻，將混有雜質和顆粒乾癟的剔走, 而製作芝麻奶黃餡和芝麻流心醬時，先用慢火將飽滿的上品黑芝麻炒香，再經過多重工序熬製而成。整個過程，要非常嚴格地控制餡料的比例，葉師傅和研發團隊足足研究和測試了上百次，最終才呈現出令葉師傅滿意的效果, 唔怪之得流心芝麻醬咁細滑又帶有濃濃既芝麻香啦~~~
媽咪話佢好中意呢款, 因為可以烏髮, 而老豆就中意咸香既流心奶黃月, 真正各有千秋~~
我仲試左低糖迷你奶黃月餅, 呢啲迷你奶黃月細細個又低糖, 好啱女仔想食又怕肥, 同埋老人家食架~~~
包裝一樣靚到冇得輸! 同樣採用首飾月餅禮盒設計，以繁複紙藝打造美美既禮盒,內外俱備, 送禮自用都令人愛不釋手呢~
一盒四個, 細細個最啱自私食, 又可以同朋友屋企人開心share, 當然首飾盒歸我啦!
低糖迷你奶黃月餅 - 口感方面比較清新, 甜度相對較低, 食落口一啲都唔膩, 甜甜地再加上口感層次豐富既流心奶黃, 疍黃既香氣充滿着整個口腔, 留有盈盈既奶黃香, 真心好好吃, 令人想一吃再吃呢~~~
揾日再落去試下其它款式先~~~
#皇玥 #流心月餅 #ipastry @ipastry.hk
沒有留言:
張貼留言