<美味>~ 係家都可以隨時打到又新鮮又豐富既邊爐啦@新南苑私房菜火鍋鷄煲~*

是咁的，每逢天氣開始轉熱, bff都會約我打邊爐, 不過近排疫情嚴重, 加上好多個名專出聲，叫人留家避免外出, 無理由唔照做~ 

不過, 佢知道有餐廳推出外賣火鍋, 配料仲係主打海鮮, whatsapp餐牌都幾吸睛, 就搵個日子開爐喇! 

兵分兩路, 我同男友係屋企家打點, 佢哋就去餐廳攞食材, 其實可以用gogo van, 但佢哋話揸車，慳番運費。 

湯底3揀1, 仲有大量海鮮，好似鮑魚、蝦、廣島蠔等~ 

雖然bff想揀麻辣，但我驚打邊爐易上火, 所以最後湯底揀咗皮蛋芫荽湯, 味道都幾清甜~ 

外賣火鍋超方便, 配料準備好晒, 而且餐廳將所有食材包好, 好妥當, 唔會漏湯又汁, 一打開膠袋就可以「淥得」! 

海鮮就有鮑魚, 仲有帶子&蚌, 每款都好新鮮, 鮑魚厚肉, 唔會好細隻, 帶子同蚌比較，我就鐘意蚌多d, 甜d爽d! 

 

 

另外仲有海蝦, 廣島蠔, 龍躉片, 海蝦勁大隻, 爽口鮮甜, 廣島蠔都好大隻，唔腥~ 

肉類得一款 - 切牛頸脊, 不過份量都幾多, 4個人食啱啱好, 味道都幾甘香, 牛味又重, 好食~

其他火鍋配料就有雲吞, 韭菜餃, 魚皮餃, 貢丸, 午餐肉, 灌湯小籠包~ 

響鈴, 炸魚皮 

魚皮唔放湯食仲好, 勁香脆, 響鈴都唔錯, 放湯後外軟內脆, 又吸收咗湯汁，幾鮮甜~ 

蔬菜藍有幾款蔬菜, 粟米, 金菇等, 大大盤, 唔使驚搶食~ 

手讚岐烏冬 & 韓國芝士麵

汽水就一人一罐 

 

總括嚟講$208位(免加一)真係幾抵食, 材料新鮮, 而且仲慳番準備功夫, 

下次同男友係屋企撐枱腳, 點個2人份量就攪掂晒~

  

新南苑私房菜火鍋鷄煲

旺角彌敦道678號華僑商業中心3樓  

28773690

93118877

<美食>~*無懼疫情, 味道非凡的高級魚生@鮨文~*

以往我都只幫襯元朗分店, 不過, 近排唔係好適合太夜返屋企, 就決定去黃埔分店試吓~ 


黃埔分店好就腳, 地鐵站一出. 過條馬路就到, 夠晒方便~ 

受疫情影響, 餐廳做足預防措施, 以探熱槍量體溫, 再加 酒精搓手液清毒~ 



餐牌上Omakase有兩種, 見價錢相差唔係好遠，就食豪dd~ 



茶碗蒸 鵝肝
金箔蒸蛋係第一道菜, 先將鵝肝蒸熟, 再用筲箕壓碎去筋, 吃時將鵝肝與蒸蛋搓勻, 蛋香夾雜鵝肝既鮮香味, 簡直係人間極品~ 



另一道菜叫4點先付, 一碟有4道小食, 味道由淡至濃~

 

先食 鰻魚苗, 魚苗幾醋汁浸住, 入口微酸, 煙韌似蒟蒻, 食完幾開口; 
八刺身好嫩滑, 有紫蘇同炭香; 
螢光魷魚呢個時候最當造 
廚師以蛋黃醬提鮮, 酸甜惹味, 啱晒我胃口


最後係太刀魚, 魚皮微脆, 魚肉細滑, 有炭香味~ 


 
毛蟹 x 沢蟹
廚師將活生生既毛蟹煮熟拆肉, 再天婦羅咗細細隻既沢蟹, 加埋蟹膏, 又甜又甘香又脆, 好好味~


櫻煮八爪魚 
八爪魚煮法幾特別, 先同八爪魚按摩腳仔, 再以40度雪一晚, 放入甜醬內浸, 肉質軟淋, 甜甜辣辣, 好似食緊豆腐咁~ 

吉列帆立貝 
紫菜好香脆, 配埋吉列帆立貝就脆上加脆, 沙律醬就可以中和油炸感~ 



8貫握壽司 
8款手握壽司, 有春子鯛、金甘鯛、真鯖、白松貝、牡丹蝦、拖羅、海膽&穴子~ .

壽司味道由淡味到濃味, 春子鯛魚味較淡, 肉質黏黏地, 有甜香; 
金目鯛魚油重, 魚肉滑; 真鯖有火炙香味, 油脂濃郁; 
白松貝好爽脆, 但就無煙韌既嚼勁感, 味道鮮濃; 
牡丹蝦爽口彈牙, 加埋燒過既蝦膏，勁甘香; 
拖羅脂肪多, 好重魚油香味,有炭香味, 入口慢慢化開~ 



師傅會於中途還來不同的食材如淮山、薑等等清清味蕾~ 好窩心!


 
到我既至愛海膽壽司, 海膽入口既滆, 超甘香; 最後係穴子壽司, 肉質比鰻魚結實, 不過味道就一樣咁鮮甜~ 




手卷 
手卷入面加咗燒過既右口魚, 仲有三文魚籽同埋海膽, 基本上我食唔到右口魚既味道, 因為海膽既味道太突出, 搶晒鏡, 三文魚籽甜甜鹹鹹，幾惹味~ 



湯
魚湯都幾好味, 魚味好重, 雖然湯面有一層厚厚既魚油, 但飲落口唔覺肥膩, 廚師仲話係好既魚油嚟, 飲得多養顏~ 



福崗士多啤梨&靜崗蜜瓜 
因為怕食咗蜜瓜, 士多啤梨甜度唔夠會覺得酸, 店員就提醒我先食士多啤梨, 講真, 士多啤梨係酸既, 但食完再食蜜瓜, 蜜瓜味又會變得更加甜~ 




鮨文
紅磡黃埔天地聚寶坊(第11期)地下G22A號舖

<養生>~* 健康又養身@位元堂養陰丸~*

從小到大對位元堂養陰丸都很熟悉, 隨了兒時在電視上看着廣告外(廣告歌真的入了腦, 現在還是窂窂記着), 另外小時候媽咪已經有買養陰丸來補身了, 對這罐黃黃的東東已有了概念, 是用來滋補身體的~

到了大個後, 當然對位元堂養陰丸更為熟悉吧~

功能扶助正氣、袪病強身、温陽散寒，益氣健脾。適用於體力衰弱、脾胃虛寒、咳嗽痰多、病後失調、機能退化及心脾兩虛，氣血不足所致的神疲體倦、食慾減退等症。

 

 

主要成分：黨參、白朮、甘草、肉桂、山藥、龍眼肉、熟地黄、茯苓、黃芪、枸杞子、當歸、陳皮及其他中藥材等。

秘方經歷百載，口碑載道
•補身養生
• 百分百香港製造

  

 

大丸9.5克 : 每罐共有8粒/24粒;
大丸5克 : 每包共有6粒/每罐共有50粒;
小丸4.5克 : 每盒共有4包/每盒共有12包/每盒共有24包

使用方法：
大丸 9.5克
治療用量 : 每日口服2次，每次1丸，溫水送服
保健用量 : 每日口服1次，每次1丸，溫水送服
大丸5克
治療用量 : 每日口服2次，每次1-2丸，溫水送服
保健用量 : 每日口服1次，每次1-2丸，溫水送服
小丸4.5克
治療用量 : 每日口服2次，每次1包，溫水送服
保健用量 : 每日口服1次，每次1包，溫水送服
兒童5歲-10歲：成日服用量減半。10歲以上服用量與成人相同。(視乎個人體質而定)

 

小妹都是由細開始食養陰丸到大的, 小時媽咪給我半顆左右, 個人覺得它有小小中藥氣味, 但又幾清香, 自己幾喜歡這個氣味~

另外它味道是不苦的, 由於由中藥製造, 始終會有中藥味道, 但絕對可以接受~

我愛把它原顆放入口, 再用牙咬細再吞, 會少少中藥味道留在喉嚨, 可以再由水沖服,都相當易食喲~

最近身體真的變差了, 人真的很灰~唯有加把勁為身體進補一下, 才是上算~

我每日都會吃一次，每次一粒，咬爛再用溫水送服, 大約一星期後已開始見到效果了~

整個人有番精神, 變得有活力, 不會整日攰攰的又渴睡, 希望KEEP住着身體再變好吧~

另外我還預備了小丸裝方便拿出街~

如果要上街吃飯, 我就放一兩包在手袋中, 方便隨時服用~

 

 

 

小丸裝4.5克 : 每盒共有4包/每盒共有12包/每盒共有24包 

 

小丸4.5克

治療用量 : 每日口服2次，每次1包，溫水送服
保健用量 : 每日口服1次，每次1包，溫水送服
兒童5歲-10歲：成日服用量減半。10歲以上服用量與成人相同。

 

 小丸裝超方便! 細細粒除了很容易用水一沖就吞下去外,

對於不太喜歡中藥味道的朋友, 這款更合你心意~

而且這款帶上街超級方便又輕身, 食完飯拿出來溫水送服就OK,
另外有時搭長途車我見悶悶地, 都會拿出來"嗒"下, 味道都不錯,
健康又養身, 大家不妨試試~

http://www.wyt.com.hk/

https://www.facebook.com/waiyuentonghk/?tn-str=k*F

Bee Happy Fanpage